Industries News.Net

Kinaray-a News: Serbisyo kang frontline workers sa Antique gindayaw


Philippine Information Agency
21 Apr 2021

SAN JOSE, Antique, Abril 21 (PIA) - Gindayaw ka mga opisyales kang probinsya kang Antique ang mga frontline workers tungod sa andang dedikasyon sa obra ilabi na gid nga ang probinsya kag bilog nga kalibutan may gina-atubang nga krisis.

Si House Deputy Speaker kag Representante kang Antique Loren Legarda naghambal kang anang pag-apresyar sa katutum kang mga doktor, nars kag tanan nga empleyado kang Angel Salazar Memorial General Hospital (ASMGH), iba pa nga hospital sa probinsya , klinika kag tanan nga pasilidad sa ika-ayong lawas tungod importante ang anda serbisyo sa ti-un kang pandemya.

Ana man gindayaw ang mga naga mentinar kang katawhay kag kalinong kag tanan nga nagta-o kang serbisyo sa mga katawhan.

Samtang si Governor Rhodora Cadiao nagapasalamat man sa mga frontline workers nga wara nagbiya kang andang obra bisan pa sa mga kabudlayan nga anda gina-atubang, gani ana ginpasamatan ang andang serbisyo.

Sa pihak nga bahin, si Legarda nagahingyu sa tanan sa pagbuligay kag suportahan ang lihuk kang gobyerno. Ana man ginpahayag ang anang

suporta sa mga inisyatibo kang gobyerno probinsyal.

Ana man ginpabutyag ang suporta sa administrasyon ni Presidente Duterte paagi sa pagpa-athag kang mga programa kag lihuk kang gobyerno

nga mataw-an kang suporta ang mga katawhan lakip na ang pagpanagtag kang bakuna.

Sa bahin kang gobyerno probinsyal, si Cadiao naghambal nga konpirmado run ang alokasyon nga P100 Milyon lakip ridya kadya ang mga amot halin

sa mga banwa tungod sanda nag-alokar man sanda sa andang mga katawhan. (JBG/psm/PIA-Antique)

--

Copyright ©1998-2024 Industries News.Net | Mainstream Media Limited - All rights reserved